كنت قاعدة على الكنبة ماسكة فيزا جوزي في إيدي.
هو نسيها الصبح وهو نازل وأنا أول ما شفتها قلبي لعب.
ابتسمت بخبث دي فرصتي.
قمت ولبست بسرعة ونزلت الشارع وقفت قدام ماكينة ATM.
كنت متوترة في الأول بس مع أول صوت للماكينة وهي بتسحب الكارت اتبدد كل توتري.
كتبت الرقم اللي حافظاه من غير ما ياخد باله قبل كده وضغطت سحب.
الماكينة بدأت تخرج الفلوس ورقة ورقة وأنا قلبي بيرقص.
مليون جنيه قدامي حاجة عمري ما لمستها بإيدي قبل كده.
خدت جزء صغير 500 جنيه بس وقلت أجيب حلق كنت حاطاه في دماغي من فترة.
الباقي ابتسمت وأنا بنقلهم بهدوء لحسابي الشخصي.
الأمان هنا.
دخلت محل إكسسوارات بسيط في نص الشارع.
الحلق عجبني من أول ما شوفته شكله غريب طويل وعليه تفاصيل دقيقة كأنه معمول بإيد مش عادية.
دفعت ال 500 جنيه ومشيت وانا حاسة إني ملكة الدنيا.
رجعت البيت أول ما قعدت سمعت صوت الموبايل بيرن لقيت جوزي باعتلي
هي فلوس حرام ياهانم ساحبة مليون جنيه ليه مرة واحدة
ضحكت بخبث صورت ودني بالحلق الجديد وبعتله الصورة وكتبت
عشان الحلق دا تحفة بجد.!
اي رأيك في ذوقي بقى.
رد بسرعة العصبية باينة في كل كلمة
زوق إيه وزفت إيه حاطة مليون جنيه في حلق!
أنا زودت جرعة الاستفزاز وكتبتله
أيوة طبعا دا روعة! اللي ركبته من عندها قالتلي بيحقق الأمنيات!
بس أنا ودني ۏجعاني من وقتها أووي!
رد عليا پعنف كأنه بيزعق
أمنيات إيه وزفت إيه! رجعي القرف دا وهاتي الفلوس
ابتسمت بخبث هو فاكرني بهزر بس أنا كنت وراه بخطة.
كنت عايزة أستفزه وأجره للحتة اللي في دماغي.
قعدت أبص في الموبايل وأفكر في صاحبة قلبي اللي جوزها خاڼها.
هو مش عارف إني شاكة فيه ولا عارف إني بلعب پالنار.
كتبتله
متعصب ليه كده مش يمكن الحلق ده يكون فعلا اللي ناقصني
شوفت صحبتي جوزها خاڼها ورغم كده جابت حلق شبه ده وبتقول إنه غير حياتها
فضل ساكت فترة النقاط اللي بتكتب وتختفي ڤضحت توتره.
وأخيرا كتبلي
انت مالك داخلة في سيرة الناس ليه خليكي في حالك وانسي اللي بيحصل مع أصحابك.
ضحكت بس جوايا القلق كبر.
ليه ما حاولش يطمنني أو يقوللي إنه مش زي جوزها ليه رد فعله متوتر بالشكل ده
كتبت وأنا بتصنع البراءة
سهي بتقول إن الخېانة عمرها ما بتيجي فجأة
ساعات بتبدأ بخطوات صغيرة من غير ما حد يحس.
إنت شايف نفسك ممكن تعمل كده
جالي منه رد قاسې جاف
انتي شكلك تجننتي!
أنا عندي ألف حاجة أشغل بالي بيها غير الهري اللي بتتكلمي فيه.
رجعي الفيزا والفلوس دلوقتي أحسنلك.
ضحكت وأنا بقرا كلامه بس قلبي كان بيدق بسرعة.
العصبية دي مش عادية وأنا متأكدة إن في حاجة مستخبية.
وأنا مش هسيبها تعدي بالساهل.
عدى الوقت
وكنت قاعدة في الصالون الحلق الغريب لسه بيلمع
في ودني رغم الۏجع اللي بدأ يزيد.
كل مرة ألمسه بإيدي بحس كأن في لسعة كهربا صغيرة بتجري في جسمي.
اتنهدت وأنا سامعة صوت مفاتيح بتدخل في الباب.
قلبي ضړب بسرعة رجع!
دخل جوزي شكله مجهد من الشغل أو يمكن من حاجة تانية معرفهاش.
شنطته على كتفه ومجرد ما شافني لمعة ڠضب واضحة في عينيه.
قال بحدة
الفيزا فين والفلوس
ابتسمت وأنا واقفة قدامه وقررت أغير الموجة.
ما ينفعش أبدأ خناقة دلوقتي.
أنا عندي خطة تانية.
قلت بهدوء وأنا باخد خطوتين ناحيته
استنى بس إنت مش هتسلم عليا الأول
اتكعبل في كلمتي كأنه مش متوقعها.
رد بنفس تقيل
يا ستي هسلم بس رجعي اللي خدتيه.
مليون جنيه مش لعبة.
قربت أكتر حطيت إيدي على دراعه وبصيت في عينيه بنظرة دافية
هو أنا عمري لعبت بيك أو استهترت بيك عمرك شفتني مديت إيدي على حاجة من غير ما تكون ليك الأول
اتلخبط. اتنفس بسرعة ورجع يقول بعصبية
ما تبرريش يا حور الفلوس دي شغل وأنا مسئول عنها.
قاطعته وأنا برفع الحلق وألمسه
طب إيه رأيك في الحلق حلو عليا ولا لأ
ضيق عينه مش وقته
قلت وأنا متجاهلة نبرته
أنا اخترته مخصوص عشان أفكرك بحاجة عارف إيه
سكت ووشه بيقول مش فاهم.
ابتسمت وأنا بلمس إيده
إني عمري ما لبست حاجة تفرق بيني وبينك.
إنت الوحيد اللي عمري حسيت إني ممكن أستأمنه.
عمري ما وثقت في حد زي ما وثقت فيك.
جسمه اتشنج حاول يبعد إيده لكني مسكتها أقوى.
قلت بهدوء وصوتي فيه رجفة صادقة
حتى لما بسمع قصص عن خېانة أو عن رجالة بټجرح مراتاتها عمري ما صدقت إنك ممكن تبقى واحد منهم.
مستحيل أصدق ده.
اتنهد وعيونه اتقلبت يمين وشمال كأنه بيهرب من نظرتي.
قال بعصبية مصطنعة
خلاص بقى يا حور سيبك من الكلام الفارغ.
أنا تعبان.
لكن أنا حسيت. حسيت الكلمة وجعت قلبه.
هو فعلا مستخبي ورا عصبيته.
في حاجة.
في ذنب.
قربت منه أكتر رفعت وشي لوشه وقلت بحنية
حتى لو الدنيا كلها وقفت ضدي حتى لو كل الناس خانتني إنت الوحيد اللي عمري ما أتخيل إنه يبيعني.
أنا مش عايزة فلوسك ولا حلقك ولا أي حاجة أنا عايزة قلبك بس.
في اللحظة دي هو سكت.
سكتة تقيلة قوي.
عيناه اتلمعت كأنه بينه وبين نفسه بيقاوم حاجة.
قعد على الكنبة حط إيده على راسه وتنفس بسرعة.
قلت وأنا بقعد جنبه
في إيه أنا حاسة إنك مش مرتاح قولي.
بصلي نظرة سريعة وبعدين بص بعيد.
قال بصوت واطي
إنتي مش فاهمة الشغل ضاغطني والمشاكل كتيرة.
قربت أكتر لمست كفه
عارف إن الشغل بياخدك.
بس أنا هنا.
البيت هنا.
ي هنا.
مهما حصل بره إوعى تفتكر إني هسيبك تواجه لوحدك.
سكت وصوت تنفسه اتقل.
أنا حسيت قلبي بينبض أسرع كأني قربت من الحقيقة.
قلت له بجرأة وأنا ببص جواه
لو في حد بيحاول يبعدك عني أو يغريك أنا واثقة إنك هتعرف توقف.
مش عشان أنا قلتلك.
عشان إنت جوه قلبك مش ممكن تعمل كده.
صح
الكلمة دي كسرت فيه حاجة.
شفته وهو بيزيح وشي بإيده كأنه بيخبي دمعة ڠصب عنه.
قال بصوت مبحوح
حور أنا غلطت.
الاعتراف وقع عليا زي الصاعقة بس ما بينتش إني اټصدمت.
مسكت إيده أقوى وقلت كلنا بنغلط.
بس الفرق إن في ناس بتكمل غلط وفي ناس بتفوق.
وإنت لازم تفوق عشان أنا مش هعرف أعيش من غيرك.
دموعه وقعت يمكن أول مرة أشوفه بالشكل ده.
قال وهو بيبص في عيني
كان في واحدة حاولت أهرب من ضغوط الشغل من المسؤوليات لقيتها بتديني كلام حلو ناقصني.
سكت وبعدين كمل
بس عمري ما لمستها.
عمري ما عملت حاجة بس كنت بروح وأسيب نفسي للكلام.
دموعي أنا كمان نزلت بس بسرعة مسحتها.
قربت منه أكتر وضميته.
قلت وأنا في حضنه
خلاص كفاية كده.
الحلم دا انتهى.
أنا هنا واللي بينا أكبر من أي كلمة فاضية.
فضلنا ساكتين دقيقة كاملة.
بعدها هو رفع وشي بصلي بصدق وقال
إنت اللي وحدانيه يا حور.
إنت اللي رجعتيني لعقلي.
ابتسمت ومسحت دموعه بإيدي
وأنا مش هسيبك حتى لو الدنيا كلها وقفت ضدنا.
قال وهو بيرجع الفيزا لشنطته
الفلوس هتترجع زي ما كانت.
مش مهم.
المهم إنك إنتي اللي معايا.
أنا اتنهدت ودمعة صغيرة نزلت من عيني ڠصب عني.
مش دمعة ۏجع لأ دمعة راحة.
حسيت إن في جبل كان متحطوط على صدري وابتدى يتشال.
قربت منه ولمست إيده وبصيت جواه
وأنا عمري ما كنت عايزة غير كده.
عمري ما حلمت بفلوس ولا بمظاهر أنا كل اللي عايزاه إنك تفضل جنبي.
هو أخد نفس طويل وحط إيده على راسي بحنية.
أول مرة من فترة طويلة يحسسني إنه راجل بجد راجل شايلني جوا قلبه مش بس كشكل أو كزوجة.
قعدنا سوا في الصالون وقت طويل من غير ما نتكلم.
الصمت ساعات بيبقى أصدق من ألف كلمة.
كان باين على وشه الصراع اللي جواه بين الذنب اللي لسه بيعض قلبه وبين الراحة اللي ابتدى يحسها معايا.
بعد شوية هو كسر الصمت وقال
حور أنا مش عايزك تفتكري إني ضعيف.
اللي حصل كان غلطة وغلطة عمري.
مسكت إيده جامد
أنا مش شايفة إنك ضعيف.
اللي يضعف بجد هو اللي يسيب الغلطة تكبر جواه.
لكن إنت اعترفت وده أكبر دليل إنك أقوى من أي حاجة.
ابتسم ابتسامة صغيرة كأنها خرجت بالعافية.
إنتي دايما بتعرفي تقولي الكلام اللي يصحيني.
قربت وقلت له
عشان
أنا ببصلك بعين مختلفة.
يمكن البنت دي كانت بتديك كلام حلو بس أنا اللي بديلك روح.
حسيت بكلمتي بتخترق قلبه.
لمس إيدي وقال
وعد خلاص.
مفيش أي حاجة تانية.
أنا هبطل أرد عليها ومش هسيب أي حد ييجي بينا.
أنا هززت راسي وقلبي بيرقص.
أنا مصدقاك ومش عايزة غير كده.
تاني يوم صحيت بدري على غير العادة.
عملت له الفطار اللي بيحبه فول بالطحينة جبنة بيضا وعيش سخن.
حطيت الصينية على الترابيزة في الصالون.
لما خرج من الأوضة لابس هدوم الشغل عينه وقعت على الفطار.
ضحك ضحكة صغيرة
هو أنا في حلم
قلت وأنا بضحك
لأ يا سيدي ده الواقع الجديد.
قعد ياكل وأنا قاعدة قصاده.
كنت ببص له كل شوية من غير ما أتكلم.
كان واضح عليه الارتباك كأنه مش مصدق إن الدنيا لسه ممكن تكون بسيطة بالشكل ده.
قبل ما يقوم قرب مني وباسني على جبيني.
قال
شكرا يا حور.
الجملة الصغيرة دي خلت قلبي يتهز.
حسيته راجع لي فعلا راجل تايه ولقى بيته.
في الأيام اللي بعدها ابتديت ألاحظ تغييرات صغيرة.
كان بيرجع من الشغل على طول من غير ما يتأخر بالساعات زي الأول.
موبايله اللي كان دايما مقفول أو في جيبه بقى يرميه عادي على الترابيزة من غير ما يقلق.
حتى وهو بيتكلم في التليفون صوته بقى أهدى وأنضف.
بس أنا برضه كنت واخدة بالي من نفسي
ما حاولتش أجيب سيرة البنت دي تاني.
ولا سألت ولا حققت.
أنا اخترت أديه مساحة إنه يثبت نفسه من غير ما أحسسه إني رقيبة أو محققة.
مرة وهو قاعد جنبي بالليل الموبايل رن.
أنا قلبت بصراحة.
نظرت له بسرعة.
هو شاف نظرتي فتح الموبايل قدامي وقال
دي زميلة في الشغل بخصوص الأوردر الجديد.
وراني الشاشة وكان فعلا الموضوع شغل.
اتنهدت وابتسمت وهو فهم إني لسه خاېفة جواه.
قرب وقال
إوعى تفكري إني هكرر الغلطة دي.
أنا ابتسمت وبصيت في عينيه بحنية
أنا مصدقاك.
بعد أسبوعين حسيت إنه بيتغير أكتر.
كان بيرجع ومعاه ورد أو شوكولاتة صغيرة.
حاجات بسيطة لكن بالنسبة لي كانت زي رسالة مكتوبة أنا فاكر إنك أهم من الدنيا كلها.
في يوم جمعة صحيت لقيته محضر الفطار بنفسه! مش متقن زيي طبعا بس مجرد إنه حاول كان كفاية يخلي قلبي يرفرف.
هو أنا بتبدل
مع حد ولا إيه
ضحك وقال
بتتعبي معايا كتير كان لازم أردلك حاجة بسيطة.
في اللحظة دي حسيت إن ربنا رجعلي جوزي من تاني.
لكن في يوم وأنا قاعدة في الصالون الموبايل بتاعي رن.
كانت رسالة من رقم غريب
إوعى تفتكري إنك كسبتي هو لسه بيرجعلي.
ډم بارد جرى في عروقي.
الرسالة كانت من البنت دي.
ساعتها حسيت إن في ڼار ولعت جوايا.
لكن مسكت نفسي. ما ينفعش أواجهه بالرسالة. مش وقته.
اخترت أتصرف بذكاء روحت المطبخ عملت عصير وجيت له وأنا مبتسمة.
قعدت جنبه وبصيت في عينيه
عارف إيه اللي بيخليني أعيش مبسوطة حتى وسط كل المشاكل
قال وهو مشغول في التلفزيون
إيه
قلت وأنا ماسكة إيده
إني عارفة إنك بتاعي أنا وبس.
بصلي وقتها وعينه مليانة صدق.
قال بحزم
طبعا. أنا بتاعك إنتي وبس.
الكلمة دي طمنتني.
الرسالة دي مش هتهزني.
أنا واثقة إني كسبت قلبه خلاص.
الليالي بعدها كانت أدفأ.
بقي ييجي يقعد معايا من غير سبب.
أوقات يقولي ممكن نخرج ناكل برة أو يلا نسهر
نلعب شدة زي زمان. كان بيرجع يحاول يعيشني ذكريات أول جوازنا.
مرة وأنا ببص له وهو نايم جنبي اتسحبت دموعي من غير ما يحس.
حسيت إني كسبت حرب كبيرة من غير ما أصرخ أو أواجه أو أطلب أدلة.
كسبتها بالحب.
وفي يوم رجع من الشغل ومعاه علبة صغيرة. إدهالي بابتسامة.
فتحتها لقيت جواها حلق دهب بسيط جدا على شكل قلب صغير.
قال وهو ماسك إيدي
الحلق اللي جبتيه كان بداية جديدة بس ده بقى النهاية الصح.
النهاية اللي تثبت إنك إنتي أمنية عمري.
أنا حضنته والدموع نازلة.
قلت وأنا ببص في عينيه
وأنت عمري كله.
في اللحظة دي حسيت إن الماضي اتقفل ورانا.
أي غلطة أي رسالة أي بنت كله راح.
اللي باقي دلوقتي هو إحنا. إحنا وبس.
تمت
حكاوي_كاتبة
حور_حمدان