قبل ما تبدأ حكاية النهارده اعرفكم علي بطلتنا واللي اسمها مريم وعندها 27 سنه متجوزه من سبع سنين حملت في السبع سنين دول تلات مرات وفي كل مره الطفل بيروح فيها وفي يووم كانت قااعده في شقتها وطلعت عندها حماتها وقالت..
ناديه
ما يلا يا اختي جوزك مستنيكي تحت عشان ترةحو للدكتور
مريم
هو ما طلعش ليه طيب كنت هنزل انا وهو
ناديه
وعلي ايه يطلع وينزل ما كفايه شحطته في الواد وانزلي يلا عشان عايزه ارتاااح شويه تعبت من دوشة العيال تحت
مريم بضيق
هو حضرتك هتنامي هنا يا طنط
ناديه
ايوه يا حبيبتي شقة ابني وانتو خارجين هنام شوبه جوه يلا الواد عنده شغل يدوب هيوديكي للدكتور ويرجع يشوف اللي وراه
_ادايقت مريم ونزلت تحت وكان احمد جوزها قااعد مستنيها وقالها..
احمد
يلا يا مريم انا يدووب هنروح للدكتور وبعدين ارجع علي الشغل علي طول..
مريم
وامك ايه اللي يخليها تنام في شقاي يا احمد بس انا في حاجات فوق خاصه بيا مش عايزه حد يشوفها وامك كمان بتنام في اوضة النوم
احمد
يعني هي الحاجات الخاصه بيكي دي لو امك. شافتها هتزعلي نضفي قلبك يا مريم وعاملي امي زي ما بتعاملي امك عشان خاطر ربنا حتي..
طلعت مني مرات اخوه من المطبخ وقالت
في ايه يا جماعه صوتكم عالي

ليه مالك يا احمد
احمد
ما فيش حاجه يا مني الهانم بس زعلانه عشاان امي كلعت تنام فووق شوويه ده انتي كده ليكي الجنه عشان مقعده امي معاكي
مني
دي امي يا احمد ايه اللي انت بتقوله ده ومعلش مريم بس بتحب تبقي براحتها شويه وما حدش يدخل شقتها انا هبقي اكلم حماتي وافهمها الموضوع بلاش بس تنكد. عليها وهي حامل كده عايزين بقي المره دي ربنا يقومها بالسلامه ونشووف عوضكم ونفرح بيه..
مريم
ان شاء الله يا مني وربنا يخليك عيالك وتفرحي بيهم..
احمد
واخوكي رؤوف مش مقصر في حاجه ده من اول ما بندخل المستشفي لحد ما نطلع منها بيبقي شايلنا فوق راسه
مني
اومال طبعا ده بيعزك اووي يا احمد وان شاء الله المره دي الطفل يبقي كويس ويجي بالسلامه
احمد
الله يسلمك هنمشي احنا بقي عشان ما نتأخرش..
_قال كلامه واخد مريم ومشي وبعد ما الدكتور كشف عليها قال..
رؤوف
لا كويس اووي لحد دلوقتي ما فيش اي مشاااكل يا مدام مريم بس نمشي علي الفيتامينات دي..
مريم
يعني في امل المره دي البيبي ينزل عايش يا دكتور
رؤوف
طبيا ايوه بس نصيبه بقي دي حاحه بتاعت ربنا ادعي بس واحنا هنعمل اللي علينا ومش هنقصر في حاجه..
احمد
متشكرين اووي يا رؤووف واحنا برضو املنا في ربنا كبير ان الموضوع

يتم علي خير
رؤوف
ان شاء الله وفي انتظارك في المتابعه يا مدام مريم..
_ومشيت مريم مع احمد وقالتله وهي قاعده جنبيه في العربيه
مريم
انا مش عايزه اروح المستشفي عند رؤوف تاني يا احمد
احمد
ليه كده في حاجه حصلت ولا ايه
مريم
ما بقتش مرتاحه هناك قلبي مقبوض منها انت ناسي ان تلات اطفال بنزلو مش عايشين في المستشفي دي
احمد
ده قضاااء ربنا مال بقي المستشفي بالموضوع ده بلاش تخريف يا مريم
مريم
انا مش بخرف انا مش عايزه اغير المستشفي دي
احمد
بلاش طيب تقولي كده قدام مني لاحسن تزعل وتفتكر اننا مش عايزين نروح عند اخوها والست كتر الف خيرها مش مقصره معانا في حاحه ده انتي من يوم ما خملتي وهي بتخدمك بعنيها
مريم
مني مالهاش علاقه بالموضوع ده انا مش عايوه اروح عند اخوها عشان اولد بص عشاان ما حدش يزعل احنا ما نقولش قدامهم حاجه ونقولهم اني هولد عادي في النستشفي وبعد ما اولد يعدلها ربنا
احمد
ايوه بعد ما تولدي هيحصل ايه بقي هنقولهم ايه ولو اللي في بطنك ده ما نزلش عايش وقتها هيبقي ردنا عليهم ايه
مريم
انا هروح اقعد عند. امي الفتره دي لحد ما اولد تمام وبعد الولاده نقولهم اني جالي الالم وروحت لاقرب مستشفي عادي
احمد
وليه كل ده ما خلينا زي ما احنا

واللي عايزه ربنا هيكون
مريم
عشان خاطري يا احمد انا حتي ما بقتش طايقه المستشفي بدخلها وقلبي يتقبض
احمد
مااشي يا مريم بس الموضوع ده لو وصل لامي او مني او عماد اخويا والله بعد كده ما هسمع كلامك في اي حاجه خالص
مريم
ما تقلقش ما حدش هيعرف حاجه..
_ورجعت مريم البيت وبطلت تاخد اي علاج وكانت ديما بتصلي وتدعي ان المره دي ابنها ينزل عليش وتفرح بيه وفي يوم راحت عندها مني وقالت..
مني
ايه يا مريم ما بقتيش تنزلي من شقتك خالص ليه كده يا حبيبتي زعلانه من حاجه ولا ايه
مريم
لا لا مش زعلانه بس الحمل المره دي صعب شويه عليا
مني
ايوه حتي انتي ما روحتيش المتابعه بتاعتك المره دي
مريم
الله.. وانتي مين قالك
مني
رؤوف اخويا هو اللي قالي اتصل يطمن عليكي لتكون جرالك حاجه كفا الله الشر انتي ما تعرفيش هو بيحب احمد وبيعزه ازاي قوليلي بقي انتي ما روحتيش ليه المتابعه بتاعتك وكنتي قولتي لرؤوف علي التعب اللي حاسه بيه ده
مريم
بصراحه كده يا مني انا بقيت ادخل المستشفي اتدايق واتخنق وما بقتش طايقه اي مستشفي ولا ايه علاج فانا قررت اني اقعد في البيت اتحىك اروح لماما وهبقي اروح المستشفي لما اولد ان شاء الله
مني
لا انا مش هايزاكي تتعقدي من حاجه كل اللي

بيحصل ده قضااء ربنا وقدر لا المستشفي ولا الدكاتره ليهم دخل فيه
مريم
انا

كده مرتاحه اكتر يمكن كتر الحركه بيتعبني انا حتي بفكر اروح اقعد مع ماما لحد ما اولد وهبقي اتابع مع رؤوف علي الموبيل لما احمد. يجي عندي
مني
اللي يريحك يا حبيبتي اعمليه ومن ناحيتي هكلم حماتك عشان تسيبك تقعدي عند امك من غير ما تعملك حاجه ولا تعملها مشكله
مريم
ربنا يخليكي ليا يا مني والله انا ما عارفه من غيرك اعمل ايه..
مني
ما تقوليش كده احنا اخوات يا حبيبتي..
_وراحت بعدها مريم. عند مامتها اللي قالتلها بهدوء..
فاطمه
كويس انك عملتي كده الدكتوره اللي بقولك عليها شااطره جدا وان شاء الله ربنا يجعل الفرج عندها حتي نعرف السبب انما اخو سلفتك ده مش فاهم حاجه وانا مش مقتنعه بكلامه
مريم
بس انا خايفه حماتي او مني يعرفو اني روحت لدكتور غير رؤوف يزعلو..
فاطمه
وايه اللي يزعلهم يا بنتي يمكن في مشكله وهو مش عارفها ولا عارف يعالجها والدكتوره الجديده دي تعرفها..
مريم
ان شاء الله يا ماما انا خلاص تعبت ونفسي بقي يبقالي حتت عيل افرح بيه دي رابع مره اهو احمل..
فاطمه
شوفي احمد وروحو النهارده بالليل للدكتوره ونشووف بقي هتقووول ايه..
_وفعلا بالليل راااح احمد هو ومريم عند. الدكتوره ناهد اللي بعد ما كشفت عليها وخلتها تعمل تحاليل واشااعه قالت ليهم..
ناهد
خير

ان شاء الله الطفل حالته ممتازه والحمل كويس خالص ما فيش اي اثبات علمي او طبي يقول ان الطفل هبنزل ما فيهوش روووح
احمد
ما هو ده نفس الكلام االي قاله الدكتور اللي كنا عنده في كل مره الطفل بينزل من غير رووح دول تلات اولاد يا دكتوره والرابع اهو جاي في الطريق واحنا مش عايزين نخسره
ناهد
لا لا ان شاء الله ربنا يقدرنا والطفل يتولد بصحه كويسه ويبقي زي الفل احنا هيبقي معانا اثناء الولاده دكتور اطفال واجهزه كويسه يعني لو حصلت اي مشكله للطفل هنقدر نلحقه ولو في اسوأ الاحوال ما قدرناااش ننقذه يبقي عرفنا السبب ونعالجه المره الجايه بس للحق كلام الدكتور بتاعكم مش منطقي الطفل صحته كويسه وما فيش لحد الان اي مشكله ومش طبيعي الطفل ينزل من بطن امه وهو كويس وما فيش فيه الروح في حاجه غلط واحنا هنعرف نتصرف بأذن الله..
مريم
ان شاء الله يا دكتوره ناااهد انا هسمع كلامك وهمشي علي تعليماتك بالظبط
_وبعدها مشيو من عند الدكتوره واول ما رجع احمد البيت وكان رايح يطمن علي امه بس قبل ما يخبط علي الباب سمع مني بتقول..
مني
لا ما تقلقش حماتي قاعده في شقة احمد فووق اهدي يا رؤوف البت مش هتولد غير عندك بس ما تنسانيش بقي المره دي ده الولد الرابع اللي تستنفع منه
احمد لنفسه
هي

قصدها ايه مني بالكلام ده معقوله تقصد مريم بكلامها وازاي يعني بيستنفعو بالاطفال..
_طلع شقته وهو مستغرب من كلام مني مع اخوها وطلع شقته لقي امه قاعده قدام التلفزيون وقالت..
ناديه
انا عايزه افهم الشملوله مرااتك ما جاتش معاك ليه سيباك لوحدك ليه
احمد
معلش يا ماما هي نفسيتها مرتاحه شويه عند امها المهم انتي هتبااتي عندي ولا ايه
ناديه
يا ابني عيال اخوك تحت مصدعيني مش عارفه اغمض عين منهم اقزم اجهزلك العشا
احمد
لا لا اتعشيت مع حماتي ومريم..
ناديه
وعشووك ايه بس تلاقيك. انت اللي جيبتلهم اكل جاهز من بره عرفاااك عبيط وعلي نياتك
احمد
لا يا امي حماتي كانت عملالي اكل من البيت المهم مش عايزك والنبي تزعلي مريم وما تدايقيش انها هتقعد في بيت اهلها اليومين دول..
ناديه
وانا ادايق ليه ده يا هنايا يا بختي انها هتقعد في بيت اهلها بقولك ايه البت دي لو ما جابتش اللي في بطنها المره دي تطلقها هو انت هتفضل قاعد جنبيها علي الحال ده كتير..
احمد
وهي ذنبها ايه بس يا اني في الموضوع ده عشان اطلقها..
ناديه
ذنبها ان بطنها وحشه ومش بتعيشلها عيال عارف انت لو طلقتها انا هجوزك بنت صغيره تبقي انت اول بختها
احمد
انا مش هطلق مراتي يا ماما مريم ما قصرتش معايا في حاجه ولو

علي مشاكلها معاكي معلش مع الوقت هتبقي هاديه وتسمع كلامك زي مني
ناديه
لا يا حبيبي انا اللي اقوله يتسمع البت دي لو العيل اللي في بطنها نزل فطساان زي اللي قبله ما تدخلش بيتي تىمي عليها اليمين وهي في المستشفي وقبل الشهر ما يخلص تكون متجوز غيرها والا تاخدها وتمشي من بيتي هتميل بختك البت دي ولا ايه
احمد
انا داخل انااام يا امي تصبحي علي خير
_راااح نام وتاني يوم اول ما صحي راح المستشفي وقابل الممرضه اللي شغاله مع الدكتور رؤوف وقالها..
رؤوف
لو سمحتي يا انسه كانت في واحده شغاله هنا اسمها مدام راويه تعرفيها
_ايوه بس دي سابت الشغل من سنه تقريبا. هو حضرتك بتسأل عليها ليه
.احمد
يعني كنت باجي اديها مساااعده كل فتره والتانيه طيب قوليلي ما تعرفيش عنوانها فين بالظبط
_ثانيه واحده وهجيبه ليك من شؤن العاملين بس ايدك علي حاجه كده اديها للموظف
احمد
مااااشي خدي دول عشااانك ودول عشان الموظف بس خلي الموضوع بيني وبينك مش عايز الخير بقي حد يعرفه عشان ثوابه ما يروحش
_وسمعت الممرضن كلامه وجابتله العنوان واحمد راااح هناك واول ما فتحت الباب وشافته قالت..
راويه
اهلا وسهلا مين حضرتك
احمد
معقوله مش فاكراني يا مدام راويه انا الاستاذ احمد جوز مريم اللي ما كانش

بيعيشلها عيال عندكم في المستشفي
راويه بتوتر
خير ان شاء

الله يو استاذ في حاجه ولا ايه
احمد
كنت عايز اتكلم معاكي في موضوع مهم بس مش هنا علي الباب دخليني عشاان ما حدش يسمعني
_وخلته راويه يدخل وسابت الباب مفتوح وقعدت قدامه وقالت..
راويه
خير يا ابني ان شاء الله
احمد
انا عايز اعرف ايه السبب اللي كان بيخلي ولادي ما بعيشوش اول ما ينزلو من بطن مراتي الموضوع فيه سر وانتي الوحيده اللي كنتي شغاله مع الدكتور رؤوف وبتدخلي معاه العمليات
راويه بدموع
انا ما اعرفش حاجه وما اقدرش اقول حاجه بس انت لو عايز مساعدتي يبقي اسمع كلامي وخلي مراتك تتابع حملها لو حملت تاني يعني عند دكتور تاني غير رؤوف
احمد
ايووه ليه بقي نعمل كده رؤوف كان بيعمل ايه في ولادي
راويه
لو سمحت اطلع بره انا عايشه لوحدي ووجودك هنا مش كويس
احمد
انا عايز اعرف الحقيقه يا مدام راويه عايز اعرف ولادي كان بيحصلهم ايه وليه ما كانوش بيعيشو
راويه
بقولك ايه يا جدع انت لو ما طلعتش بره البيت دلوقتي انا هصوت واقول انك جاااي تتهجم عليا
احمد
انا دلوقتي اتأكدت ان في حوار كبير بيحصل مراتي كانت بتسااعدك ومش مقصره معاكي في حاجه وانتي كمان لو عندك شوية ضمير اتكلمي وقولي الحقيقه انا ارفت برضو ان ولادك التلاته راحو في حادثه خافي ربنا عشان حتي لما تدعيلهم ربنا يتقبل دعواتك

ولو كانت في حاجه وحشه بتحصل قوليلي
نزلت دموع راويه وقالت
ما عنديش حاجه اقولها واطلع بره من هنا يلا..
_بصلها احمد بحزن وطلع من عندها وحاول يشيل الموضوع من باله وفي يوم كان نايم في اوضته وموبيله رن فرد وقال..
احمد
ايوه يا مريم في ايه
مريم
الحقني يا احمد انا تعبااااانه اووي وشكلي هولد تعالي بسرعه والنبي مش قاااادره
احمد بخوف
بتولدي دلوقتي ازاي مش لسه الدكتوره محدده يومين علي معاد الولاده..
مريم
اللي حصل بقي يا احمد الحقني بسرعه انت لسه هتتكلم معايا
احمد
طيب اما جااي حالا خلي امك. تاخدك المركز بتاع الدكتورع ناهد وانا جاي وراكم حالا
_وفعلا بعد شويه كان واقف احمد بره اوضة العمليات ومعاه فاطمه اللي بتعيط وبتقول..
فاطمه
ياارب اجبر بخاطرها المره دي وقومها بالسلامه هي وابنها
احمد
ان شاء الله يا حماتي ان شاء الله ربنا هيقومهم ليا هما الاتنين بالسلامه المره دي
_وفضلو هما الاتنين قااعدين بيدعو وهما خايفين لحد ما طلعت الممرضه وهي شايله طفل صغير علي ايدها وقالت..
الممرضه
الف مبروووك. يا استاذ احمد يتربي في عزك.
قاام. احمد وعيونه ملياانه دموع واخد. منها الولد وقال
احمد
هو ده ابني كويس مش كده طيب الحقوووه لاحسن يتعب او تحصله حاجه
الممرضه
اطمن يا استاذ ابنك كويس

وزي الفل الدكتوره هتخيط الجرح للمدام وهطلع تطمنكم اكتر..
مشيت الممرضه وفاطمه قالت
الواد كويس وزي الفل اهو يا ابني يتربي في عزك انت ومراتك وربنا يطمنا عليها هي كمان
نزلت دموع احمد وقال
ياااه ده انا تعبت اووي عشان اشووف حته مني عايشه كده يا حماتي..
_وبعد شويه كان قااعد مع الدكتوره في مكتبها وقالها
احمد
انا حاسس ان الدكتور رؤوف ده ورااه حاجه ما فيش اي سبب ان ولادي بيروحو
ناهد
في شك في الموضوع ده فعلا طيب الكلام اللي انت سمعته من اخته ده ممكن يخليك تشك ان مرات اخوك ليها يد في الموضوع
احمد
مش عارف بس كلامها مع خوف الممرضه اللي اسمها راويه اللي شوفته اكيد هما كانو بيعملو حاجه في ولادي المستشفي دي فيها كارثه بتحصل ولو اللي في بالي صح تبقي دي عصاابه
ناهد
لو الممرضه اتكلمت يبقي الموضوع اتحل كده وكل حاجه هتبان
_وفعلا احمد مشي وبعد كام يوووم رااح لراويه تاني وقالها
احمد
لاخر مره بقولك لو في حاجه قوليها هتنجدي نفسك بدل ما تروحي معاهم في داهيه
راويه بدموع
هقولك كل حاجه يا استاذ احمد انت ولادك ما كانوش بيروحو دول كانو بيبقو عايشين والدكتور رؤوف بيبعهم في حد من اهل بيتك مش عايز يبقالك خلفه انت ومراتك
احمد
هو مين ده اتكلمي وولادي لو عايشين هما فين..
راويه
مرات

اخوك اخت الدكتور رؤوف وكان بيبيع عيالك لنااس بتبيعهم لنااس غنيه
احمد
انتي مستعده تقولي الكلام ده قدام النيااابه
راويه
ايوه خلاص ولادي الله يرحمهم ما بقاش عندي حاجه اخسرها المهم اقابل وجه كريم وانا مرتاحه..
_وفعلت راااحت راويه وقالت اقوالها وقدم احمد بلغ في رؤوف واخته واتقبض عليهم وطلعو جثث اللطفال من القبر وبعد التحليل طلعو مش ولاده وفي يوم كان قااعد احمد جنب مريم اللي بتنيم في ابنها وقال..
احمد
التحقيق شغال وقريب اووي هنرجع ولادنا
مريم بدموع
ابننا الكبير زمانه دلوقتي عنده 7 سنين يا احمد واكتر حسبي الله فيهم مني اللي عامله ملاك وطيبه طلعت مش عايزانا نخلف عشان الورث كله يبقي لولادها وبس
احمد
اهم هيااخدو عقابهم ياريتني سمعت كلامك من زمان وروحنا لدكتور غير رؤوف تعرفي حتي امي بقيت ندمانه علي تصرفاتها معاكي ودلوقتي هتربي ولاد اخويا اللي حصل ده علمنا كلنا ومني واخوها هيدفعو التمن غالي اووي
مريم
المهم ترجعلي الولاد يا احمد عشاان خاطري.
احمد
هيرجعو وبعدين هما ولادك لوحدك ربنا هبعوضنا خير ونرجع ولادنا ونربيهم مع اخوهم احسن تربيه
_وفعلا رجعت واحمد ولادهم اللي مانو ينهم عائلات تانيه ومع الوقت اتعودو عليهم وربوهم احسن تربيه ورؤوف واخته والمسؤلين عن الجرايم

دي في المستشفى اتقبض عليهم واتقفلت المستشفي كلها
وبكدا تبقي خلصت حكايتنا النهارده